По стапките на својот татко, следи ли замена на големиот Војо Стојаноски?!

Музички талентиран, впрочем како што вели и самиот за музиката знае буквално до неговото раѓање, Дамјан Стојаноски, синот на легендата на македонската фолклорна музика Војо Стојаноски. Дамјан ги продолжува на големо да ги следи чекорите од својот татко. На повидок има неколку нови песни, кои се во стилот на таткому Војо, типични и препознатливи. Посебно место минатиов период завзема песната”Тешко мина докторе” за која Дамјан сними и видео запис во соработка со Ин продукција.

-Видео записот се снимаше на една локација, живописниот манастриски комплекс на Света Недела во село Оровник. Песната потекнува од Приринска Македонија, ја слушнав и веднаш ми се допадна па сакав да ја отпеам.  Посебно сакам да истакнам и покана до сите верници , во мое лично име и од име на црковниот одбор на 19 јули да дојдат и да присуствуваат на големиот празник посветен на оваа светителка, вели Дамјан.